Ulama Self Care Forum (USCF) Ke Qawaid wa Zawabit
Shuruaat
A: Ulama Self Care Forum yani USCF ki shuruaat 7 July 2026 ko hui.
B: Ye forum madarson, masjidon me khidmat karne wale asateza, aimma aur moazzino samet tijarat karne wale ulama e kiram ke liye hai.
C: Madarson khusoosan private idaron ke asateza aur masjidon ke aimma hazraat ki kam tankhwah ka masla kisi se chhupa nahi hai. Aksar ulama apni tankhwah se ghar ki buniyadi zaruraten bhi poori nahi kar paate.
D: Mazeed ye ki agar beti ki shaadi ka waqt aa jaye, ya Khuda na khwasta koi sakht jaan-lewa beemari lahaq ho jaye, ya kisi jhoothe case me giraftari ho jaye to pareshani aur badh jaati hai. Isi tarah inteqal ki soorat me boodhe maa-baap, yateem bachche, bewa biwi, bhai behen bilkul be-sahara ho jaate hain.
E: Isi pareshani ko kam karne ke liye USCF banaya gaya hai.
B: Ye forum madarson, masjidon me khidmat karne wale asateza, aimma aur moazzino samet tijarat karne wale ulama e kiram ke liye hai.
C: Madarson khusoosan private idaron ke asateza aur masjidon ke aimma hazraat ki kam tankhwah ka masla kisi se chhupa nahi hai. Aksar ulama apni tankhwah se ghar ki buniyadi zaruraten bhi poori nahi kar paate.
D: Mazeed ye ki agar beti ki shaadi ka waqt aa jaye, ya Khuda na khwasta koi sakht jaan-lewa beemari lahaq ho jaye, ya kisi jhoothe case me giraftari ho jaye to pareshani aur badh jaati hai. Isi tarah inteqal ki soorat me boodhe maa-baap, yateem bachche, bewa biwi, bhai behen bilkul be-sahara ho jaate hain.
E: Isi pareshani ko kam karne ke liye USCF banaya gaya hai.
الْمُؤْمِنُ لِلْمُؤْمِنِ كَالْبُنْيَانِ، يَشُدُّ بَعْضُهُ بَعْضًا
Yani: Momin doosre Momin ke liye imaarat ki tarah hai, Jiska ek hissa doosre hisse ko mazbooti deta hai.
Aaiye is Hadees ki amli tasveer banein!
Aaiye is Hadees ki amli tasveer banein!
(2) Tanzim Ka Maqsad
- A: Intiqal Par Madad: Ulama e kiram me se kisi Fa’aal Rukn (Active Member) ke intiqal par uske ghar walon ki maali madad karna.
- B: Beti Ki Shaadi Par Madad: Fa’aal Rukn (Active Member) ki beti ki shaadi par tamam members mil kar madad karenge.
- C: Qanooni Madad: Khuda na khwasta koi Fa’aal Rukn (Active Member) jhoothe muqaddame me phans jaye to members qanooni madad ke liye chanda denge.
- D: Sakht Beemari Par Madad: Agar koi Fa’aal Rukn (Active Member) kisi sakht jaan-lewa beemari me mubtala ho jaye to members ilaaj ke liye madad karenge.
- E: Ittehad: Ulama ko jodna aur mushkil waqt me saath dena.
- F: Madarson Ki Madad: Zarurat-mand madarson aur deeni idaron ki madad karna.
(3) Rukn Banne Ki Shartein
- A: Umar: 18 se 60 saal.
- B: Pesha: Wo Ulama e Kiram jo kisi deeni idara ke mudarris hon, ya kisi masjid ke imam wa moazzin hon ya koi jayez tijarat karte hon.
- C: Registration: https://uscf.in par online registration.
- D: Salana Intezami Fees: 51 Rupaye. Ye raqam wapas nahi hogi.
(4) Rukn Ki Qismein Aur Unke Huqooq
A: Zair e Intezar Rukn (Waiting Member)
Tareef: Registration ke baad 365 din poore kar raha hai
Madad Ka Haq: Koi madad nahi milegi
Tareef: Registration ke baad 365 din poore kar raha hai
Madad Ka Haq: Koi madad nahi milegi
B: Fa’aal Rukn (Active Member)
Tareef: 365 din poore + 90% imdadi muheemo me ta’awun zaruri
Madad Ka Haq: Charon madad ka mustahiq: Intiqal, Shaadi, Beemari, Qanooni Case
Tareef: 365 din poore + 90% imdadi muheemo me ta’awun zaruri
Madad Ka Haq: Charon madad ka mustahiq: Intiqal, Shaadi, Beemari, Qanooni Case
C: Ghair Fa’aal Rukn (In-Active Member)
Tareef: Pehle Fa’aal tha magar ab ta’awun chhod diya
Madad Ka Haq: Koi madad nahi milegi jab tak 3 mahine musalsal ta’awun na kare
Tareef: Pehle Fa’aal tha magar ab ta’awun chhod diya
Madad Ka Haq: Koi madad nahi milegi jab tak 3 mahine musalsal ta’awun na kare
Khaas Ri’ayat: Pehle 1100 Members registration karte hi “Fa’aal Rukn (Active Member)” ban jayenge. Unhe 365 din intezar nahi karna hoga. Lekin Beti ki Shaadi me madad ke liye in 1100 members ko bhi 365 din poore karna lazmi hai.
(5) Fa’aal Rukn (Active Member) Banne Ka Tareeqa – Lock In Period
- A: Aam Usool: Zair e Intezar Rukn (Waiting Member) ko 1 saal / 365 din tak har mahine ki madad me hissa lena hoga. Uske baad wo “Fa’aal Rukn (Active Member)” ban jayega.
- B: 90% Shart: Fa’aal Rukn (Active Member) bane rehne ke liye saal bhar ki 90% imdadi muheemo me ta’awun karna lazmi hai. Agar koi Fa’aal Rukn 90% ta’awun poora nahi karta to wo “Ghair Fa’aal Rukn (In-Active Member)” ho jayega.
- C: Ghair Fa’aal Se Fa’aal: Agar koi rukn Ghair Fa’aal Rukn (In-Active Member) ho jaye to dobara Fa’aal Rukn (Active Member) banne ke liye musalsal 3 mahine ta’awun karna hoga aur 90 din poore karne honge.
(6) Madad Ka Tareeqa Kaar
- A: Imdad Ki Raqam: Madad 50 Rupaye se shuru hogi. Mehengai aur halaat ke madd e nazar idara ta’awun ki raqam me kami-beshi kar sakta hai. Misaal: Agar 2000 moharrik (Active) member ho gaye to 2000 × 50 = 1 Lakh Rupaye ki madad ho jayegi.
- B: Mahine Me Ek Madad: Har mahine sirf ek case ke liye madad maangi jayegi.
- C: Zyada Case Hone Par: Agar ek mahine me ek se zyada case ho jayen to baqi case agle mahine “aage-peeche” karke niptaye jayenge.
- D: Group Bandi: Jab members bahut zyada ho jayenge to idara group bana dega. Har group baari-baari madad karega.
- E: Zarurat-Mand Ko Raqam Kaise Milegi: Har rukn tay shuda raqam braah e raast zarurat-mand Fa’aal Rukn (Active Member) ke waris ya khud rukn ke bank account me bhejega.
- F: Raseed Upload Karna: Raqam bhej kar website par transaction ki raseed upload karna lazmi hai.
(7) Madad Ki 4 Qismein
Alif: Intiqal Par
Shart: Fa’aal Lazmi | Note: 60 Saal Baad Madad Nahi
(7 Alif 1) Buniyadi Shartein
- A: Marhoom ka Fa’aal Rukn (Active Member) hona lazmi hai.
- B: Intiqal ke waqt rukn ki umar 60 saal se kam honi chahiye. 60 saal mukammal hone ke baad intiqal par madad nahi milegi.
- C: Rukn ne pichhle 12 mahine me 90% imdadi muheemo me ta’awun kiya ho.
(7 Alif 2) Madad Ki Raqam Aur Had
- A: Madad 50 Rupaye fi Fa’aal Rukn ke hisaab se appeal ki jayegi.
- B: Misaal: Agar 2000 Fa’aal Rukn hain to 2000 × 50 = 1 Lakh Rupaye ki appeal hogi.
- C: Zyada se zyada ek case me 2,50,000 Rupaye tak ki appeal ki jayegi.
- D: Aham Note: USCF sirf members se appeal karta hai, guarantee nahi. Jitne Fa’aal ta’awun karenge utni hi raqam milegi. 50% bhi na karein to bahut kam.
USCF Sirf Appeal, Guarantee Nahi. 50% Bhi Na Karein To Bahut Kam.
(7 Alif 3) Tareeqa Kaar
- Alif: Ittila – 7 Din ke andar WhatsApp / Email / Help Line par.
- Be: Dastavez – Darj zail kaghazat lazmi hain:
- Death Certificate
- Marhoom ka USCF Membership Card / ID
- Waris ka Shanakhti Card aur Bank Pass Book
- Namzad afraad ki tafseel agar di ho
- Je: Tasdeeq – 3 se 7 din me USCF team tasdeeq karegi.
- Daal: Appeal – Tasdeeq baad 50 Ru ki appeal jaari hogi.
- He: Jama Karna – Har rukn seedha waris ke bank account me bhejega.
- Wao: Raseed – https://USCF.in par raseed upload karega.
(7 Alif 4) Waris Kaun Hoga
- 2 Namzad afraad hi waris. Jhagda ho to idare ka faisla hatmi. Namzad na ho to sharai taqseem.
(7 Alif 5) Kin Sooraton Me Nahi Milegi
- Ghair Fa’aal / Waiting tha
- Umar 60+ thi
- Khudkushi ki ho
- Waris ke jurm se maut hui ho
- 90% shart poori na ki ho
(7 Alif 6-8) Guarantee, Wapsi, Aham Note
- Sirf appeal ka platform, jama karne ka zimmedar nahi.
- Galat zyada raqam 3 karobari din me wapas, halafnama lazmi.
- Mahine me 1 case, baqi agle mahine. Group system baad me. Faisla hatmi, Gorakhpur Court.
Maqsad: Aalim ke intiqal ke baad wariseen be-sahara na rahein.
Be: Beti Ki Shaadi
Shart: Fa’aal + 365 Din Poore | Pehle 1100 Ke Liye Bhi Lazmi
(7 Be 1) Buniyadi Shartein
- Fa’aal hona lazmi
- Musalsal 365 din poore (1100 walon ke liye bhi)
- 90% muheemo me ta’awun
- Sagi beti ki shaadi par
- Beti ki umar 18+
- Rukn ki umar 60 se kam
(7 Be 2) Behen Ki Shaadi – Khaas Ri’ayat
- Walidain intiqal / 60+ aur behen zair-e-kafalat ho to madad milegi
- Behen umar 18+ lazmi
- Saboot:
- Walidain ka Death Certificate ya Umar Saboot
- 2 Fa’aal arkaan ki gawahi
- Mohalle ke Imam ka letter
(7 Be 3-4) Raqam Aur Kitni Baar
- 50 Ru Fi, Max 2,50,000
- Aam halat me 1 beti
- Biwi Fa’aal ho to dusri beti bhi
- Behen zair-e-kafalat ho to usme bhi
- 2 shaadiyon me 2 saal ka waqfa
- Zindagi me max 2 (2 beti ya 1 beti+1 behen)
(7 Be 5) Darkhwast Ka Tareeqa
- Alif: Waqt – Shaadi se kam az kam 60 din pehle
- Be: Dastavez – Ye kaghazat lazmi hain:
- Beti/Behen ka Nikahnama / Shaadi Card
- Beti/Behen ka Aadhaar Card ya Birth Certificate – 18+ saboot
- Rukn ka USCF Membership Card
- Rukn ka Shanakhti Card + Bank Pass Book
- 2 Fa’aal Arkaan ki Tehreeri Gawahi
- Mohalle ki Masjid ke Imam ka Tasdeeqi Letter
- Behen ki soorat me: Walidain ka Death Certificate / Umar Saboot + Zair-e-Kafalat Halafnama
- Dusri beti ke liye: Ahliya ka USCF Fa’aal Card
- Je: Jaanch – 7-10 din me ghar ja kar tasdeeq
- Daal: Appeal – Shaadi se 30 din pehle 50 Ru ki appeal
- He: Bhejna – Direct rukn ke account me
- Wao: Raseed – USCF.in par upload
- Ze: Baad me – 30 din andar Nikahnama + 2 Photo lazmi
Maqsad: Beti/Behen paise ki kami se bin-biyahi na rahe.
Jeem: Sakht Beemari
Shart: Fa’aal + Medical Report | Jaanch Baad Muheem
(7 Jeem 1) Buniyadi Shartein
- Mareez Fa’aal ho
- 90% ta’awun
- Jaan-lewa / mehenga ilaj ho, bukhar-khansi nahi
- Umar 60 se kam
(7 Jeem 2) Kaun Si Beemariyan
- Cancer, Kidney Fail, Liver Fail, Heart Surgery, Brain Tumor, Falij, Bada Accident
- Hospital dakhil aur kharch 50,000+ ho
- Faisla medical report dekh kar
- Paidaishi / Cosmetic / Baanjhpan / Nasha shamil nahi
(7 Jeem 3) Raqam
- 50 Ru Fi, Max 2 Lakh
- Estimate kam to utni hi
- Guarantee nahi, 30-40 hazar bhi ho sakti hai
Ta’awun Na Ho To 30-40 Hazaar Bhi Ho Sakta Hai.
(7 Jeem 4) Tareeqa
- Alif: 15 din me ittila
- Be: Dastavez:
- Doctor ka nuskha + beemari tafseel
- Hospital ka dakhila card / estimate
- USCF Membership Card
- Shanakhti Card + Bank Pass Book
- 2 Fa’aal arkaan ki tasdeeq
- Je: 5-7 din hospital se tasdeeq, jhoothi par hamesha khatam
- Daal/He/Wao: Appeal, Direct mareez account, Raseed upload
Daal: Qanooni Case – Jhootha Muqadma
Shart: Fa’aal + Jaanch | Sirf Jhoothe Par
(7 Daal 1-2) Shartein Aur Kaun Se Case
- Fa’aal, 90%, Jhootha/Siyasi/Nafrat, 60 se kam, Khud mujrim na ho
- Shamil: Aatankwad/Firqa ka jhootha ilzam, Masjid/Madarsa/Deeni kaam, Police zyadti, Post/Taqreer par FIR
- Nahi: Ladai, Chori, Zina, Nasha, Zameen-Jaidad
(7 Daal 3) Raqam
- 50 Ru Fi, Max 1,50,000, Fees kam to utni hi, Guarantee nahi, 20-30 hazar bhi
(7 Daal 4) Darkhwast
- Alif: FIR/Giraftari ke 3 din me ittila
- Be: Dastavez:
- FIR ki copy
- Giraftari warrant ya notice
- USCF Membership Card
- Shanakhti Card
- 2 Fa’aal arkaan ki tehriri gawahi ke case jhootha hai
- Maqami Ulama Committee ka letter
- Je: 3-5 din wakeel se jaanch
- Daal: Jhootha sabit par 50 Ru appeal
- He/Wao: Direct rukn/wakeel account, Raseed lazmi
Maqsad: Jhoothe case me aalim ki zindagi barbaad na ho.
Zaruri Wazahat
Intiqal Ke Alawa 3 Me Limit Fix:
- Shaadi: 2,50,000 Ru
- Sakht Beemari: 2,00,000 Ru
- Jhootha Muqadma: 1,50,000 Ru
Jaise hi limit poori hogi, Madad Box me USCF ke sarkari bank ki detail aayegi, baad ka paisa USCF me jayega aur “Markazi Imdadi Fund” me rakhkar agle case me ek-musht bheja jayega. Maqsad: Tez Nizam.
Intiqal Me:
- Koi limit nahi, 30 din tak box khula, jitna jama seedha waris ko, phir band. Maqsad: Waris ki zyada madad.
Note:
- USCF account ki har raqam live dikhegi
- Markazi fund se bheji raseed sabko dikhegi
- Shafafiyat badhegi, paisa zaya nahi hoga
(8) Aham Usool Aur Shartein
- A: 60 Saal Ke Baad Ka Usool: 60 saal ki umar hone ke baad agar rukn ka intiqal ho jaye to tanzim madad nahi karegi.
- B: Khaas Ri’ayat: Agar kisi Fa’aal Rukn (Active Member) ne zindagi bhar tanzim ka saath diya ho aur 60 saal mukammal hone ki wajah se ab rukn nahi hai, aur uski koi beti aisi hai jiski abhi shaadi nahi hui, to tanzim us beti ki shaadi me ta’awun karegi.
- C: Khudkushi Ya Jurm: Rukn ki khudkushi ya rukn ki maut me waris ke mujrim hone ki soorat me intiqal wali madad nahi milegi.
- D: Galat Raqam Wapsi: Agar kisi ne galti se zyada raqam bhej di to saboot dene par waris wo raqam 3 karobari din me wapas karega. Madad se pehle halaf-nama dena lazmi hai.
- E: Namzad Afraad Me Jhagda: Rukn 2 namzad afraad rakh sakta hai. Jhagda hone par idara khud faisla karega.
- F: Idare Ka Faisla Hatmi: Tamam mamlaat me jaanch aur faisla idara khud karega. Use adalat me challenge nahi kiya ja sakta.
- G: Adalati Ilaqa: Kisi bhi qanooni jhagde ka faisla sirf Zila Gorakhpur ki adalat me hoga.
(9) Galat Tashheer Par Karwai
- A: Agar koi rukn USCF ke khilaaf galat baat ya afwah phailata hai to uski rukniyat khatam kar di jayegi aur qanooni karwai bhi ho sakti hai.
- B: Agar koi rukn idare ke kisi ohdedar se badtameezi kare ya idare ke khilaaf kaam kare to uski rukniyat khatam ki ja sakti hai.
(10) Salana 51 Rupaye Kahan Kharch Honge
- A: Website, App banane aur chalane me.
- B: Daftar ke intezam me.
- C: Amle ki tankhwah me.
- D: Marhoom ki tasdeeq ke liye.
- E: Forum ki tashheer me.
- F: Zarurat-mand ulama aur madarson ki madad me.
- G: Deeni program aur idare ke fayde ke kaamon me.
(11) Rabta / Help Line
Members ki madad ke liye help line number, WhatsApp aur Email jaari ki gayi hai. In par rabta karke maloomat aur takneeki madad li ja sakti hai.
USCF “Ek Ke Liye Sab, Sab Ke Liye Ek” ka nizam hai.
Har member mahine me sirf 50 Rupaye de kar kisi aalim ke ghar ka bada masla hal kar deta hai – chahe wo intiqal ho, beti ki shaadi ho, sakht beemari ho, ya jhootha muqadma.
Har member mahine me sirf 50 Rupaye de kar kisi aalim ke ghar ka bada masla hal kar deta hai – chahe wo intiqal ho, beti ki shaadi ho, sakht beemari ho, ya jhootha muqadma.
Zaruri Note: Zarurat ke mutabiq in usoolon me tabdeeli ho sakti hai. Website par maujood taza usool hi asal maane jayenge.
☞ Ulama Self Care Forum Ke Qawaid Wa Zawabit PDF Me Download Karein!